Vaishno Ji Ki Chalisa

|| Doha ||
Garud Vahini Vaishnavi, Trikuta Parvat Dham।
Kali, Lakshmi, Saraswati, Shakti Tumhe Pranam॥

|| Chaupai ||
Namo Namo Vaishno Vardani,
Kali Kaal Mein Shubh Kalyaani॥

Mani Parvat Par Jyoti Tumhari,
Pindi Roop Mein Ho Avatari॥

Devi Devta Ansh Diyo Hai,
Ratnakar Ghar Janam Liyo Hai॥

Kari Tapasya Ram Ko Paun,
Treta Ki Shakti Kahalau॥

Kaha Ram Mani Parvat Jao,
Kaliyug Ki Devi Kahalau॥

Vishnu Roop Se Kalki Bankar,
Lunga Shakti Roop Badalkar॥

Tab Tak Trikuta Ghati Jao,
Gufa Andheri Jaakar Pao॥

Kali Lakshmi Saraswati Maa,
Karen Shoshan Parvati Maa॥

Brahma Vishnu Shankar Dware,
Hanumat Bhairon Prahari Pyare॥

Riddhi Siddhi Chanvar Dulaave,
Kaliyug Vaasi Poojat Aave॥

Paan Supari Dhwaja Nariyal,
Charanamrit Charanon Ka Nirmal॥

Diya Phal Var Maa Muskaai,
Karan Tapasya Parvat Aai॥

Kali Kaal Ki Bhadki Jwala,
Ik Din Apna Roop Nikala॥

Kanya Ban Nagrota Aai,
Yogi Bhairon Diya Dikhai॥

Roop Dekh Sundar Lalachaya,
Peeche Peeche Bhaag Aaya॥

Kanyao Ke Saath Mili Maa,
Kaul Kandoli Tabhi Chali Maa॥

Deva Maai Darshan Dina,
Pawan Roop Ho Gayi Praveena॥

Navratron Mein Leela Rachai,
Bhakt Shridhar Ke Ghar Aai॥

Yogin Ko Bhandara Dina,
Sabne Ruchikar Bhojan Kina॥

Maans Madira Bhairon Maangi,
Roop Pawan Kar Ichchha Tyagi॥

Baan Maarkar Ganga Nikali,
Parvat Bhaagi Ho Matwali॥

Charan Rakhe Aa Ek Shila Jab,
Charan Paduka Naam Pada Tab॥

Peeche Bhairon Tha Balkaari,
Chhoti Gufa Mein Jaa Padhari॥

Nau Maah Tak Kiya Nivaasa,
Chali Phodkar Kiya Prakaasha॥

Aadya Shakti Brahm Kumari,
Kahalai Maa Aad Kumari॥

Gufa Dwaar Pahuchi Muskai,
Langur Veer Ne Aagya Pai॥

Bhaaga Bhaaga Bhairon Aaya,
Raksha Hit Nij Shastr Chalaya॥

Pada Sheesh Ja Parvat Upar,
Kiya Kshama Ja Diya Use Var॥

Apne Sang Mein Pujvaungi,
Bhairon Ghati Banvaungi॥

Pehle Mera Darshan Hoga,
Peeche Tera Sumiran Hoga॥

Baith Gayi Maa Pindi Hokar,
Charanon Mein Behta Jal Jhar Jhar॥

Chausath Yogini Bhairon Barwan,
Sapt Rishi Aa Karte Sumiran॥

Ghanta Dhwani Parvat Par Baaje,
Gufa Nirali Sundar Laage॥

Bhakt Shridhar Poojan Kina,
Bhakti Seva Ka Var Lina॥

Sevak Dhannu Tumko Dhyaaya,
Dhwaja aur Chola Aan Chadhaaya॥

Singh Sada Dar Pehra Deta,
Panja Sher Ka Dukh Har Leta॥

Ashwin Chaitra Navrate Aaoon,
Pindi Rani Darshan Paoon॥

Sevak Sharma Sharan Tihari,
Harau Vaishno Vipat Hamari॥

|| Doha ||
Kaliyug Mein Mahima Teri, Hai Maa Aparampaar।
Dharm Ki Haani Ho Rahi, Pragat Ho Avataar॥