Maa Shailaputri Katha
00:0000:00
Pauranik Katha Ke Anusaar, Raja Daksh Ne Apne Nivaas Par Ek Yagya Ka Aayojan Kiya Tha, Jismein Unhone Sabhi Devi-Devtaon Ko Bulaaya. Lekin Apne Apmaan Ka Badla Lene Ke Liye Unhone Shiv Ji Ko Nahi Bulaaya.
Mata Sati Ne Bhagwan Shiv Se Apne Pita Dwara Aayojit Kiye Gaye Yagya Mein Jaane Ki Ichha Jataayi. Sati Ke Aagrah Karne Par Bhagwan Shiv Ne Bhi Unhein Jaane Ki Anumati De Di.
Lekin Jab Sati Yagya Mein Pahuncheen, To Wahan Par Pita Daksh Ne Sabke Saamne Bhagwan Shiv Ke Liye Apmaanjanak Shabd Kahe.
Apne Pita Ki Baatein Sunkar Maa Sati Behad Niraash Hui Aur Unhone Yagya Ki Vedi Mein Koodkar Apne Praan Tyaag Diye. Jiske Baad Maa Sati Ne Agla Janm Liya Aur Shailraj Himalaya Ke Ghar Mein Janmheen. Is Roop Mein Woh Shailputri Kahlayeen.
