Maa Kushmanda Aarti

Kushmanda Jai Jag Sukhdaani.

Mujh Par Daya Karo Maharani॥

Pingala Jwalamukhi Nirali.

Shakambari Maa Bholi Bhaali॥

Laakhon Naam Nirale Tere.

Bhakt Kai Matwale Tere॥

Bhima Parvat Par Hai Dera.

Sweekaro Pranaam Ye Mera॥

Sabki Sunti Ho Jagdambe.

Sukh Pahunchati Ho Maa Ambe॥

Tere Darshan Ka Main Pyasa.

Poorn Kar Do Meri Aasha॥

Maa Ke Man Mein Mamta Bhaari.

Kyon Na Sunegi Araj Hamari॥

Tere Dar Par Kiya Hai Dera.

Door Karo Maa Sankat Mera॥

Mere Karaj Poore Kar Do.

Mere Tum Bhandare Bhar Do॥

Tera Daas Tujhe Hi Dhyaaye.

Bhakt Tere Dar Sheesh Jhukaaye॥