Shri Dhanvantari Ji Ki Aarti

Jai Dhanvantari Deva, Jai Dhanvantari Ji Deva,
Jara-rog se peedit jan-jan sukh deva…
(Jai Dhanvantari Deva…)

Tum samudra se nikle, Amrit kalash liye,
Devasur ke sankat aakar door kiye…
(Jai Dhanvantari Deva…)

Ayurveda banaya, Jag mein phailaya,
Sada swasth rehne ka saadhan batlaya…
(Jai Dhanvantari Deva…)

Bhuja chaar ati sundar, Shankh sudha dhaari,
Ayurveda vanaspati se shobha bhaari…
(Jai Dhanvantari Deva…)

Tumko jo nit dhyaave, Rog nahin aave,
Asaadhya rog bhi uska nishchay mit jaave…
(Jai Dhanvantari Deva…)

Haath jodkar Prabhuji, Daas khada tera,
Vaidya samaaj tumhare charanon ka ghera…
(Jai Dhanvantari Deva…)

Dhanvantari ji ki aarti,
Jo koi nar gaave, Rog-shok na aaye, sukh-samriddhi paave…
(Jai Dhanvantari Deva…)