Yamraj Ji Ki Aarti

Dharmaraj kar siddh kaaj, Prabhu main sharanagat hoon teri,
Padi nav manjh dhaar bhavan mein, paar karo na karo deri.

Dharmalok ke tum ho swami, Shri Yamraj kehlaate ho,
Jo jo praani karm karte, tum sab likhte jaate ho.
Ant samay mein tum sabko, doot bhej bulwaate ho,

Paap punya ka saara lekha, unko baanch sunaate ho.

Bhugtaate ho praani ko tum, lakh chaurasi ki pheri se,
Dharmaraj kar siddh kaaj, Prabhu main sharanagat hoon teri.
Padi nav manjh dhaar bhavan mein, paar karo na karo deri.

Chitragupt hain lekhak tumhare, furti se to likhne wale,

Alag alag se sab jeevon ka, lekha jokha lene wale.
Paapi jan ko pakad bulaate, narkon mein dhaane wale,
Bure kaam karne walon ko, khoob saza to dene wale.

Koi nahi tumse bach paata, yeh nyaay neeti aisi teri,
Dharmaraj kar siddh kaaj, Prabhu main sharanagat hoon teri.

Padi nav manjh dhaar bhavan mein, paar karo na karo deri.

Doot bhayankar tere swami, bade bade dar jaate hain,
Paapi jan to jinhe dekhte, ve bhay se thar-tharaate hain.
Baandh gale mein rassi, ve paapi jan ko le jaate hain,

Chaabuk maar laate, zara reham nahi man mein laate hain.

Dharmaraj kar siddh kaaj, Prabhu main sharanagat hoon teri.
Padi nav manjh dhaar bhavan mein, paar karo na karo deri.

Dharmi jan ko Dharmaraj, tum khud hi lene aate ho,

Saadar le jaakar unko, tum swargdhaam pahunchaate ho.
Jo jan paap kapat se darkar, teri bhakti karte hain,
Narak yaatna kabhi na paate, bhavsaagar se tarte hain.

Kapil Mohan par kripa karke, japti hoon main mala teri,

Dharmaraj kar siddh kaaj, Prabhu main sharanagat hoon teri.
Padi nav manjh dhaar bhavan mein, paar karo na karo deri.