Gautam Buddha Katha
00:0000:00
Gautam Buddha ko Bharat ke mahan adhyatmik guruon ki soochi mein gina jata hai, jinke dwara diye gaye shanti, bhaichare aur adhyatm ke upadesh hamein aaj bhi prerit karte hain. Mahatma Buddha vo mahapurush the, jinhone Bharat ke saath-saath poore vishv ko prem aur sadbhav ka paath padhaya. Ek mahapratapi aur dhan-dhaanya se samriddh raja ke ghar janm lene ke bavjood unhone parivarik moh-maya ka tyag kiya aur sanyaas ka marg apnaya. Sanyaas aur tapasya ke marg par chalte hue unhen jis amoolya gyan ki prapti hui, uska paath unhone poori duniya ko padhaya. Mahatma Buddha aage chalkar Bauddh dharm ke pravartak bane, jiske aaj vishvabhar mein karodon anuyayi hain.
Mahatma Buddha dwara saikadon varsh pehle diye gaye upadesh aaj bhi prasangik hain. Aaiye padhte hain unke jeevan se judi ek prerak aur rochak kahani, jismein unhone bataya ki insaan ki asli keemat kaise pehchani jati hai.
Ek baar ek vyakti Mahatma Buddha ke paas pahuncha. Usne poochha — “Prabhu, mujhe yah jeevan kyon mila? Is vishal sansar mein meri kya keemat hai?”
Buddha muskuraye aur use ek chamkeela patthar dete hue bole — “Jao, pehle iska moolya pata karke aao, lekin ise bechna mat, keval iska moolya janana.”
Vah vyakti sabse pehle us patthar ko lekar ek aam bechne wale ke paas gaya aur bola — “Is patthar ki kya keemat hogi?”
Aamwale ne patthar ko dekha aur samajh gaya ki yah koi keemti vastu hai, phir bhi usne kaha — “Main iske badle tumhen 10 aam de sakta hoon.”
Vah vyakti vahan se chala gaya aur ek sabziwale ke paas pahuncha. Sabziwale ne kaha — “Main iske badle ek bori aloo de sakta hoon.”
Ab us vyakti ko samajh aane laga ki yah patthar vastav mein bahut keemti hai. Phir vah use lekar ek heere ke vyapari ke paas pahuncha. Vyapari patthar ko dekhkar chaunk gaya aur bola — “Main iske badle tumhen 10 lakh rupaye de sakta hoon.”
Jab vah vyakti wapas lautne laga, tab vyapari ne aawaz lagai — “Ruko! Main iske liye 50 lakh rupaye dene ko bhi taiyar hoon.”
Lekin vah vyakti nahin ruka. Vyapari phir bola — “Tum mujhe yah patthar de do, badle mein jitna dhan chaho main doonga.”
Vah vyakti patthar lekar wapas Mahatma Buddha ke paas pahuncha aur poori baat bata di.
Tab Buddha muskurakar bole — “Aamwale ne iski keemat 10 aam lagai, sabziwale ne ek bori aloo aur heere ke vyapari ne ise anmol bataya. Jisne is patthar ke gunon ko jitna samjha, usne utni hi keemat lagai. Yahi is jeevan ka satya hai. Har insaan ek heere ki tarah anmol hai. Duniya uske gunon ko jitna pehchanti hai, utna hi mahatva deti hai. Lekin heere aur insaan mein ek fark hai — heere ko koi doosra tarashta hai, jabki insaan ko khud apne gunon ko nikharna padta hai.”
Mahatma Buddha ki is prerak katha se hamein yah seekh milti hai ki manushya ki asli pehchan uske gunon aur karmon se hoti hai.
Mahatma Buddha dwara saikadon varsh pehle diye gaye upadesh aaj bhi prasangik hain. Aaiye padhte hain unke jeevan se judi ek prerak aur rochak kahani, jismein unhone bataya ki insaan ki asli keemat kaise pehchani jati hai.
Ek baar ek vyakti Mahatma Buddha ke paas pahuncha. Usne poochha — “Prabhu, mujhe yah jeevan kyon mila? Is vishal sansar mein meri kya keemat hai?”
Buddha muskuraye aur use ek chamkeela patthar dete hue bole — “Jao, pehle iska moolya pata karke aao, lekin ise bechna mat, keval iska moolya janana.”
Vah vyakti sabse pehle us patthar ko lekar ek aam bechne wale ke paas gaya aur bola — “Is patthar ki kya keemat hogi?”
Aamwale ne patthar ko dekha aur samajh gaya ki yah koi keemti vastu hai, phir bhi usne kaha — “Main iske badle tumhen 10 aam de sakta hoon.”
Vah vyakti vahan se chala gaya aur ek sabziwale ke paas pahuncha. Sabziwale ne kaha — “Main iske badle ek bori aloo de sakta hoon.”
Ab us vyakti ko samajh aane laga ki yah patthar vastav mein bahut keemti hai. Phir vah use lekar ek heere ke vyapari ke paas pahuncha. Vyapari patthar ko dekhkar chaunk gaya aur bola — “Main iske badle tumhen 10 lakh rupaye de sakta hoon.”
Jab vah vyakti wapas lautne laga, tab vyapari ne aawaz lagai — “Ruko! Main iske liye 50 lakh rupaye dene ko bhi taiyar hoon.”
Lekin vah vyakti nahin ruka. Vyapari phir bola — “Tum mujhe yah patthar de do, badle mein jitna dhan chaho main doonga.”
Vah vyakti patthar lekar wapas Mahatma Buddha ke paas pahuncha aur poori baat bata di.
Tab Buddha muskurakar bole — “Aamwale ne iski keemat 10 aam lagai, sabziwale ne ek bori aloo aur heere ke vyapari ne ise anmol bataya. Jisne is patthar ke gunon ko jitna samjha, usne utni hi keemat lagai. Yahi is jeevan ka satya hai. Har insaan ek heere ki tarah anmol hai. Duniya uske gunon ko jitna pehchanti hai, utna hi mahatva deti hai. Lekin heere aur insaan mein ek fark hai — heere ko koi doosra tarashta hai, jabki insaan ko khud apne gunon ko nikharna padta hai.”
Mahatma Buddha ki is prerak katha se hamein yah seekh milti hai ki manushya ki asli pehchan uske gunon aur karmon se hoti hai.
