Narmada Mata Katha

Narmada Mata ki katha ke anusar Narmada River ko sirf ek nadi nahi balki Devi swaroop mana jata hai aur unhe Bhagwan Shiv ki putri kaha jata hai. Purano me aisa varnan milta hai ki ek samay Bhagwan Shiv ne prithvi ke kalyan ke liye ghor tapasya ki thi. Unki tapasya ke dauran unke sharir se jo divya urja aur pasine ki boondein giri, usi se Narmada Mata ka prakatya hua. Isliye Narmada ji ko bahut pavitra aur moksh dayini mana jata hai. Ek katha ke anusar jab prithvi par adharm badh raha tha tab devtaon ne Bhagwan Shiv se prarthana ki, tab Shiv ji ki shakti se Narmada ji ka janm hua aur unhone prithvi ko shuddh karna shuru kiya. Narmada ji ko Reva bhi kaha jata hai kyunki unke pravah me ek alag hi vibration hota hai. Kaha jata hai ki Narmada ji ka vivah Sonbhadra nadi se tay hua tha lekin unhone tapasya aur brahmacharya ka marg chuna aur apne aap ko lok kalyan ke liye samarpit kar diya. Narmada ji ka udgam Madhya Pradesh ke Amarkantak se mana jata hai aur wo waha se nikal kar Arabian sea tak jati hain. Unke tat par kai pavitra tirth hain jaise Omkareshwar Jyotirling, Maheshwar aur Bhedaghat. Kaha jata hai ki Narmada ji ke darshan matra se Ganga snan ke barabar punya mil jata hai. Narmada parikrama bahut pavitra mani jati hai aur isse sab pap nasht ho jate hain. Ye katha hume sikhati hai ki prakriti bhi devi swaroop hai aur uska samman karna hi sahi dharm hai.