Mata Chintpurni Bhajan

Namo Namo Maa Chintpurni, Namo Namo Maa Chintpurni,
Ae Chintpurni Maa, meri bhi bigdi banao,
Main sharan pada teri, mere soye bhaag jagao.

Humne suna hai bhakton ki Maa khaali jholiya bharti,
Bin bole bhakton ke kaaraj Maiya aap hai karti.
Main bhi tere dar pe aaya, apna darsh dikhao,
Ae Chintpurni Maa, meri bhi bigdi banao,
Main sharan pada teri, mere soye bhaag jagao.

Swarg se sundar lagta hai Maiya bhavan tumhara,
Chaaro taraf hai oonchi pahadi, beech mein tera dwaara.
Hardam tere paas rahun Maa, aisi kripa dikhao,
Ae Chintpurni Maa, meri bhi bigdi banao,
Main sharan pada teri, mere soye bhaag jagao.

Aman tera tere dar pe aake bhentein teri gaata,
Bhatanagar teri mahima likhkar jai jaikaar bulata.
Jhoothe rishte, jhoothe naate inse hume bachao,
Ae Chintpurni Maa, meri bhi bigdi banao,
Main sharan pada teri, mere soye bhaag jagao.