Chamunda Mata Chalisa

|| Doha || Neelvaran Maa Kalika Rahti Sada Prachand। Das Haathon Mein Shastra Dhaaran, Deti Dusht Ko Dand॥ Madhu-Kaitabh Sanhaar Kar, Kari Dharm Ki Jeet। Meri Bhi Peeda Haro, Ho Jo Karm Puneet॥ || Chaupai || Namaskar Chamunda Mata। Teeno Lok Mein Mai Vikhyata॥ Himalaya Mein Pavitra Dhaam Hai। Mahashakti Tumko Pranaam Hai॥ Markandeya Rishi Ne Dhyaaya। Kaise Pragati Bhed Bataya॥ Shumbh Nishumbh Do Daitya Balshaali। Teeno Lok Jo Kar Diye Khaali॥ Vaayu Agni Aru Kuber Sang। Surya Chandra Varun Hue Tang॥ Apmaanit Charanon Mein Aaye। Giriraj Himalaya Ko Laaye॥ Bhadra-Raudra Nitya Dhyaaya। Chetan Shakti Karke Bulaaya॥ Krodhit Hokar Kaali Aayi। Jisne Apni Leela Dikhaayi॥ Chand-Mund Aur Shumbh Padhare। Kaamuk Vairi Ladne Aaye॥ Pehle Sugreev Doot Ko Maara। Bhaga Chand Bhi Maara-Maara॥ Arbon Sainik Lekar Aaya। Daso Lok Mein Krodh Dikhaaya॥ Jaise Hi Dusht Lalkaara। Hunkar Shabd Goonja Saara॥ Sena Mein Mach Gayi Bhagdad। Faanda Sinh Ne Aaya Jo Badh॥ Hatya Karne Chand-Mund Aaye। Madira Peekar Ke Ghurraaye॥ Chaturangi Sena Sang Laaye। Oonche Oonche Shivir Giraaye॥ Tumne Krodhit Roop Nikaala। Pragati Daal Gale Mundmaala॥ Charm Ki Saadi Cheete Waali। Haddi Dhancha Tha Balshaali॥ Vikraal Mukhi Aankhen Dikhlaayi। Jise Dekh Srishti Ghabraayi॥ Chand-Mund Ne Chakra Chalaaya। Le Talvaar Hunkar Sunaaya॥ Paapiyon Ka Kar Diya Nistaara। Chand-Mund Dono Ko Maara॥ Haath Mein Mastak Le Muskaayi। Paapi Sena Phir Ghabraayi॥ Saraswati Maa Tumhein Pukaara। Pada Chamunda Naam Tihaara॥ Chand-Mund Ki Mrityu Sunkar। Kaalak Maurya Aaye Ran Par॥ Arab-Kharab Yuddh Ke Paat Par। Jhonak Diye Sab Chamunda Par॥ Ugra Chandika Pragati Aakar। Geedadon Ki Vaadi Bharkar॥ Kaali Khatvaang Ghoonson Se Maara। Brahmaand Ne Fenki Jaladhaara॥ Maheshwari Ne Trishul Chalaaya। Maa Vaishnavi Chakra Ghumaaya॥ Kartikeya Ki Shakti Aayi। Narsinghi Daityon Par Chhaayi॥ Chun-Chun Sinh Sabhi Ko Khaaya। Har Daanav Ghaayal Ghabraaya॥ Raktabeej Maaya Phailaaya। Shakti Usne Nai Dikhaaya॥ Rakt Gira Jab Dharti Upar। Naya Daitya Pragata Tha Wahin Par॥ Chandi Maa Ab Shool Ghumaaya। Maara Usko Lahoo Chusaaya॥ Shumbh Nishumbh Ab Daude Aaye। Sattar Sena Bharkar Laaye॥ Vajrapaat Sang Shool Chalaaya। Sabhi Devta Kuch Ghabraaye॥ Lalkaara Phir Ghoonsa Maara। Le Trishul Kiya Nistaara॥ Shumbh Nishumbh Dharti Par Soye। Daitya Sabhi Dekhkar Roye॥ Chamunda Maa Dharm Bachaaya। Apna Shubh Mandir Banvaaya॥ Sabhi Devta Aake Maante। Hanumat Bhairav Chavar Dulaate॥ Aashwin Chaitra Navratri Aao। Dhwaja Naariyal Bhent Chadhao॥ Banganga Nadi Snaan Karaao। Chamunda Maa Tumko Paao॥ || Doha || Sharanagat Ko Shakti Do, He Jag Ki Aadhaar। ‘Om’ Ye Naiya Dolti, Kar Do Bhav Se Paar॥