Baba Balak Nath Stuti

Guru charanon mein sheesh dhar,
Karun pratham pranaam,
Baksho mujhko bahubal,
Seva karun nishkaam.

Rom-rom mein ram raha,
Roop tumhaara naath,
Door karo avagun mere,
Pakdo mera haath.

Balak Nath gyaan ke,
Tum to ho bhandaar,
Din-raat japu main sada,
Tumhaara hi naam apaar.

Ajar-amar avinaashi tum,
Paavan hai tera dhaam,
Siddh jogi Balak Nath,
Poorn karo sab kaam.

Sheesh mukut kaanon mein kundal,
Sohe gale mein phool maala,
Tej tumhaara dekh ke,
Thar-thar kaanpe andhera aur ujaala.

Uttar disha mein dera tera,
Dev siddh ki shaan,
Jo bhi dhyaave man se tumko,
Hove uska kalyaan.