Maa Mahagauri Chalisa
|| Doha ||
Mann Mandir Mere Aan Baso, Aarambh Karun Gungaan,
Gauri Maa Maheshwari, Do Charanon Ka Dhyan।
Poojan Vidhi Na Jaanati, Par Shraddha Hai Apar,
Pranaam Mera Sweekariye, Hey Maa Praan Aadhaar।
|| Chaupai ||
Namo Namo Hey Gauri Mata, Aap Ho Meri Bhagya Vidhata,
Sharanagat Na Kabhi Ghabrata, Gauri Uma Shankari Mata।
Aapka Priya Hai Aadar Paata, Jai Ho Kartikeya Ganesh Ki Mata,
Mahadev Ganpati Sang Aao, Mere Sakal Kalesh Mitaao।
Saarthak Ho Jaaye Jag Mein Jeena, Satkarmon Se Kabhi Hatun Na,
Sakal Manorath Poorn Keejo, Sukh Suvidha Vardaan Mein Deejo।
Hey Maa Bhagya Rekha Jaga Do, Mann Bhaavan Suyog Mila Do,
Mann Ko Bhaaye Woh Var Chaahun, Sasural Paksh Ka Sneh Main Paaun।
Param Aaradhya Aap Ho Meri, Phir Kyun Var Mein Itni Deri,
Hamare Kaaj Sampoorna Keejiyo, Thode Mein Barkat Bhar Deejiyo।
Apni Daya Banaaye Rakhna, Bhakti Bhaav Jagaaye Rakhna,
Gauri Mata Aasann Rehna, Kabhi Na Khoyun Mann Ka Chain।
Dev Muni Sab Sheesh Navaate, Sukh Suvidha Ka Var Ve Paate,
Shraddha Bhaav Jo Lekar Aaya, Bin Maange Bhi Sab Kuchh Paaya।
Har Sankat Se Use Ubaara, Aage Badhkar Diya Sahaara,
Jab Bhi Maa Aap Sneh Dikhaave, Niraash Mann Mein Aas Jagaave।
Shiv Bhi Aapka Kaha Na Taale, Daya Drishti Hum Pe Daale,
Jo Jan Karta Aapka Dhyan, Jag Mein Paaye Maan Sammaan।
Sachche Mann Jo Sumiran Karti, Uske Suhaag Ki Raksha Karti,
Daya Drishti Jab Maa Daale, Bhav Saagar Se Paar Utaare।
Jape Jo Om Namah Shivaya, Shiv Parivaar Ka Sneh Woh Paaye,
Jispe Aap Daya Dikhaave, Dusht Aatma Nahin Sataave।
Satogun Ki Ho Daata Aap, Har Ek Mann Ki Gyaata Aap,
Kaato Hamare Sakal Kalesh, Nirog Rahe Parivaar Hamesha।
Dukh Santaap Mita Dena Maa, Megh Daya Ke Barsa Dena Maa,
Jab Bhi Aap Mauj Mein Aayein, Har Jai Maa Sab Vipdaayein।
Jispe Dayaalu Ho Mata Aap, Uska Badhta Punya Prataap,
Phal-Phool Mein Doodh Chadhaaun, Shraddha Bhaav Se Aapko Dhyaaun
Avgun Mere Dhanp Lena Maa, Mamta Aanchal Kar Dena Maa,
Kathin Nahin Kuchh Aapko Mata, Jag Thukraaya Daya Ko Paata।
Bin Paaun Na Gun Maa Tere, Naam Dhaam Swaroop Bahu Tere,
Jitne Aapke Paavan Dhaam, Sab Dhaamon Ko Maa Pranaam।
Aapki Daya Ka Hai Na Paar, Tabhi To Pooje Kul Sansaar,
Nirmal Mann Jo Sharan Mein Aata, Mukti Ki Woh Yukti Paata।
Santosh Dhan Se Daaman Bhar Do, Asambhav Ko Maa Sambhav Kar Do,
Aapki Daya Ke Sahaare, Sukhi Base Mera Parivaar।
Aapki Mahima Ati Niraali, Bhakton Ke Dukh Harne Waali,
Manokaamna Pooran Karti, Mann Ki Duvidha Pal Mein Harti।
Chalisa Jo Bhi Padhe-Sunaaye, Suyogya Var Vardaan Mein Paaye,
Aasha Poorn Kar Dena Maa, Sumangal Saubhagya Var Dena Maa।
Gauri Maa Vinti Karun, Aana Aapke Dwaar,
Aisi Maa Kripa Kijiye, Ho Jaaye Uddhaar।
Heem Heem Heem Sharan Mein, Do Charanon Ka Dhyan,
Aisi Maa Kripa Kijiye, Paaun Maan Sammaan॥
Download Maa Mahagauri Chalisa PDF
