Sai Baba Ki Chalisa

Pehle Sai ke charnon mein, apna sheesh namau main
Kaise Shirdi Sai aaye, saara haal sunau main

Kaun hai mata, pita kaun hai, ye na kisi ne bhi jaana
Kahan janam Sai ne dhara, prashn paheli raha bana

Koi kahe Ayodhya ke, ye Ramchandra Bhagwan hain
Koi kehta Sai Baba, Pavan Putra Hanuman hain

Koi kehta Mangal Murti, Shri Gajanand hain Sai
Koi kehta Gokul Mohan, Devki Nandan hain Sai

Shankar samjhe bhakt kai to, Baba ko bhajte rehte
Koi keh avatar Datt ka, pooja Sai ki karte

Kuch bhi maano unko tum, par Sai hain sacche Bhagwan
Bade dayalu dinbandhu, kitnon ko diya jeevan daan

Kai varsh pehle ki ghatna, tumhe sunauga main baat
Kisi bhagyashali ki Shirdi mein aayi thi baraat

Aaya saath usi ke tha, balak ek bahut sundar
Aaya aakar wahin bas gaya, paavan Shirdi kiya nagar

Kai dino tak bhatakta, bhiksha maang usne dar-dar
Aur dikhayi aisi leela, jag mein jo ho gayi amar

Jaise-jaise amar umar badhi, badhti hi vaise gayi shaan
Ghar-ghar hone laga nagar mein, Sai Baba ka gungaan

Dig-digant mein laga goonjane, phir to Sai ji ka naam
Din-dukhiyon ki raksha karna, yahi raha Baba ka kaam

Baba ke charnon mein jaakar, jo kehta main hoon nirdhan
Daya usi par hoti unki, khul jaate dukh ke bandhan

Kabhi kisi ne maangi bhiksha, do Baba mujhko santaan
Evam astu tab kehkar Sai, dete the usko vardaan

Swayam dukhi Baba ho jaate, deen-dukhiyon ka lakh haal
Antahkaran Shri Sai ka, sagar jaisa raha vishal

Bhakt ek Madrasi aaya, ghar ka bahut bada dhanwan
Maal khazana behad uska, keval nahi rahi santaan

Laga manane Sainath ko, Baba mujh par daya karo
Jhanjha se jhankrit naiya ko, tum hi meri paar karo

Kuldipak ke bina andhera, chhaya hua ghar mein mere
Isliye aaya hoon Baba, hokar sharanagat tere

Kuldipak ke abhaav mein, vyarth hai daulat ki maya
Aaj bhikhari bankar Baba, sharan tumhari main aaya

De do mujhko putra daan, main rini rahunga jeevan bhar
Aur kisi ki aasha na mujhko, sirf bharosa hai tum par

Anunay-vinay bahut ki usne, charnon mein dhar ke sheesh
Tab prasann hokar Baba ne diya bhakt ko yeh aashish

"Allah bhala karega tera", putra janm ho tere ghar
Kripa rahegi tujh par uski, aur tere us balak par

Ab tak nahi kisi ne paya, Sai ki kripa ka paar
Putra ratna de Madrasi ko, dhanya kiya uska sansar

Tan-man se jo bhaje usi ka, jag mein hota hai uddhar
Sanch ko aanch nahi hai koi, sada jhooth ki hoti haar

Main hoon sada sahare uske, sada rahunga uska daas
Sai jaisa prabhu mila hai, itni hi kam hai kya aas

Mera bhi din tha ek aisa, milti nahi mujhe roti
Tan par kapda door raha tha, shesh rahi nanhi si langoti

Sarita sanmukh hone par bhi, main pyasa ka pyasa tha
Durdin mera mere upar, daavagni barsata tha

Dharti ke atirikt jagat mein, mera kuch avalamb na tha
Bana bhikhari main duniya mein, dar-dar thokar khata tha

Aise mein ek mitra mila jo, param bhakt Sai ka tha
Janjalon se mukt magar jagti mein woh bhi mujhsa tha

Baba ke darshan ki khatir, mil dono ne kiya vichar
Sai jaise daya moorti ke darshan ko ho gaye tayyar