Khatu Shyam Stuti

Haath Jod Vinati Karu To Suniyo Chitt Lagaaye।
Daas Aa Gayo Sharan Mein Rakhiyo Iski Laaj॥
Dhanya Dhoondhaaro Desh He Khatu Nagar Sujaan।
Anupam Chhavi Shri Shyam Ki Darshan Se Kalyaan॥

Shyam Shyam To Mein Ratun Shyam Hain Jeevan Praan।
Shyam Bhakt Jag Mein Bade Unko Karu Pranaam॥
Khatu Nagar Ke Beech Mein Banyo Aapko Dhaam।
Phalgun Shukla Mela Bhare Jai Jai Baba Shyam॥

Phalgun Shukla Dwaadashi Utsav Bhari Hoe।
Baba Ke Darbaar Se Khaali Jaaye Na Koe॥
Uma Pati Lakshmi Pati Seeta Pati Shri Ram।
Lajja Sab Ki Rakhiyo Khatu Ke Baba Shyam॥

Paan Supaari Ilaayachi Ittar Sugandh Bharpoor।
Sab Bhakto Ki Vinati Darshan Devo Hajoor॥
Aalu Singh To Prem Se Dhare Shyam Ko Dhyaan।
Shyam Bhakt Paave Sada Shyam Kripa Se Maan॥

Jai Shri Shyam Bolo Jai Shri Shyam।
Khatu Waale Baba Jai Shri Shyam॥
Leelo Ghodo Laal Lagaam।
Jis Par Baithyo Baabo Shyam॥

॥ Om Shri Shyam Devaaya Namah ॥